Біртұтас модульдік жүйедегі МОБ тірі ағзалардың құрылысын сипаттайтын келесі модульдерден тұрады: «Өсімдік жасушасының құрылысы мен қызметі», «Өсімдіктердің вегетативті мүшелері», «Өсімдіктердің генеративті мүшелері», «Ұлпалар», «Біржасушалы және көпжасушалы ағзалар». МОБ-да алуан түрлі бейнероликтер мен анимациялар, зертханалық жұмыстар мен интерактивті тапсырмалар жүйесі, қорытынды тест жұмыстары берілген. «Биология 6-сынып» МОБ 6-сынып оқушылары білімдерінің қалыптасуына, табиғатқа қызығушылықтарын арттыруға, қоршаған ортаға қамқоршы болуға тәрбиелеуге септігін тигізеді. МОБ жалпы орта білім беретін мектептің 6-сынып оқушыларына арналған; биология сабақтарында қосымша оқыту әдісі, дидактикалық материалдар көзі ретінде де, оқушылардың өзіндік жұмысына, сонымен қатар талапкерлердің мемлекеттік емтихандарды тапсыру кезінде де пайдаланылуы мүмкін.
